દરેક ભારતીયોમાં લોકપ્રિય એવા આ ૫ ગુજરાતી ફરસાણ જે ગુજરાતની મહેક વિશ્વમાં ફેલાવે છે

ગુજરાત તેની ખાણીપીણી અને પહેરવેશ માટે આખા દેશમાં પ્રખ્યાત છે. ગુજરાતી ભોજનની વિશેષતા એ હોય છે કે તેની દરેક વાનગીમાં થોડુ ગળપણ જરૂર હોય છે. આમ છતાંય ગુજરાતના ફરસાણોને આખા દેશમાં પસંદ કરવામાં આવે છે. તેમાંય આ પાંચ ફરસાણ તો એટલા લોકપ્રિય છે કે નોન-ગુજરાતીઓના ઘરે પણ હવે તે બનવા માંડ્યા છે. આ ફરસાણમાં ચણાના લોટમાંથી બનતી ખાંડવીનો પણ સમાવેશ થાય છે.

અમીરી ખમણ કહો કે સેવખમણી, આ ગુજરાતી ફરસાણ ખાસ્સુ લોકપ્રિય છે. ખમણના છીણમાં સારા પ્રમાણમાં લસણ, દાડમ, કોપરાનું છીણ નાંખીને આ વાનગી બનાવવામાં આવે છે અને તેના પર સેવ ભભરાવી પીરસવામાં આવે છે.

દાળ ઢોકળી ખાવામાં જેટલી ટેસ્ટી છે એટલી જ હેલ્થ માટે પણ ફાયદાકારક છે. તે ખૂબ જ પૌષ્ટિક માનવામાં આવે છે. ખાટી-મીઠી દાળમાં મસાલાવાળા લોટની ઢોકળી નાંખીને ઢોકળી સોફ્ટ થાય ત્યાં સુધી ઉકાળવામાં આવે છે. ત્યાર પછી તેના પર સરસ વઘાર કરવામાં આવે છે. ગરમ ગરમ દાળ-ઢોકળીમાં ઘી ઉમેરીને ખાવાથી તેનો સ્વાદ અનેકગણો વધી જાય છે.

ગુજરાતના ખમણ ઢોકળાના આખા દેશમાં લાખો દીવાના છે. ખમણ ઢોકળા ગેસ પર પણ બની શકે છે અને માઈક્રોવેવમાં પણ. તે પચવામાં પણ હલકા હોય છે. તેના ઉપર રાઈ અને લીલા મરચાનો વઘાર તથા કોપરાના છીણનું ગાર્નિશિંગ આ વાનગી પર ચાર ચાંદ લગાવી દે છે.

ગુજરાતમાં ચા સાથે જો સૌથી લોકપ્રિય કોઈ નાસ્તો હોય તો તે છે ગાંઠિયા. ગુજરાતના ઘણા ભાગમાં આ વાનગીને તીખી સેવ પણ કહેવામાં આવે છે. ચણાના લોટમાંથી બનતી આ સ્પાઈસી વાનગીનો ચટાકો ગુજરાતીઓને તો ઠીક, નોન-ગુજરાતીઓને પણ લાગી ગયો છે.

ગુજરાતી દાળ એ ગુજરાતી જમણની સ્પેશિયાલિટી ગણવામાં આવે છે. આમ તો ઘર-ઘરમાં તુવેરદાળ રોજ બને છે. પરંતુ કોઈ ખાસ મોકા પર દાળ બનાવવાની હોય તો તેમાં સિંગદાણા અને સૂરણ ખાસ ઉમેરવામાં આવે છે. આમ કરવાથી દાળનો ટેસ્ટ અનેકગણો વધી જાય છે.

આ બધામાંથી તમારી ફેવરીટ આઈટમ કઈ?

Author: ‘જ્ઞાન સાથે ગમ્મત ટીમ’

તમે આ લેખ ‘જ્ઞાન સાથે ગમ્મત’ ના માધ્યમથી વાંચી રહ્યા છો, અમારો આ લેખ વાચવા બદલ આપનો આભાર. જો તમને આ લેખ ગમ્યો હોય તો શેર કરી વધુમાં વધુ લોકો સુધી પહોંચાડો અને તમારા પ્રતિભાવો કોમેન્ટમાં જણાવો.

અને હા, તમને લાગતું હોય કે આ વાર્તા કે લેખ ગમ્યો તો નોંધજો કે આવી જ રીતે રોજિંદા જીવનમાં ઉપયોગી હોય એવી ઘણી બધી લાગણીસભર વાર્તાઓ, સ્વાસ્થ્યવર્ધક માહિતી, ફિલ્મી ખબરો, ધાર્મિક વાતો, રસોઈ રીલેટેડ માહિતી તથા અન્ય રસપ્રદ માહિતીઓ મેળવવા માટે ગુજરાતીઓનું લોકપ્રિય ફેસબુક પેજ “જ્ઞાન સાથે ગમ્મત” લાઈક કરી જોડાઓ તથા જલ્દી જ અમારા દરેક જોક્સ-સુવિચાર સીધા તમારા મોબાઈલમાં મેળવવા માટે અમારી મોબાઈલ એપ પણ આવી રહી છે. થોડી પ્રતીક્ષા કરો.

Leave a Reply

error: Content is protected !!