Mojemoj.com

Best Gujarati Blog

31 જાન્યુઆરી : ખગ્રાસ ચંદ્રગ્રહણને દિવસે શું કરવુ – શું નહિ કરવુ?

શું કરવાથી થશે ફાયદો?

આ વર્ષે એટલે કે વિક્રમ સંવત 2074માં કુલ પાંચ ગ્રહણ થવાના છે જેમાંથી ત્રણ સૂર્યગ્રહણ છે અને બે ચંદ્રગ્રહણ છે. આજે વર્ષનું પહેલુ ચંદ્રગ્રહણ થવાનું છે. આ ખગ્રાસ ચંદ્રગ્રહણ ભારતમાં પણ દેખાવાનું હોવાથી તે પાળવુ ખૂબ જરૂરી છે. જો આ દિવસે તમે ધાર્મિક વિધિથી પૂજા-જપ-તપ વગેરે કરશો તો તમારો બેડો પાર થઈ જશે. જ્યોતિષશાસ્ત્રના નિષ્ણાંતોના જણાવ્યા મુજબ આ ગ્રહણ ધાર્મિક રીત પાળનારને લાખગણુ ફળ મળશે.

સર્જાશે વિશિષ્ઠ યોગ

આજે ગ્રહણ છે અને પુષ્ય નક્ષત્ર છે. આ વિશિષ્ટ યોગ 176 વર્ષ પછી બની રહ્યો છે. આ દિવસે દાન-પુણ્ય જપ-તપ કરવાથી વિશ્ષ્ટ ફળ મળશે. શાસ્ત્રમાં જણાવ્યા મુજબ આ દિવસે જપ-દાન કરવાથી તેનુ લાખ ગણુ ફળ મળે છે. આ દિવસે અનેક મંદિરના દર્શનના સમયમાં પણ ફેરફાર જોવા મળશે. ગ્રહણના સમયે મોટાભાગના મંદિરો બંધ રાખવામાં આવશે.

ગાયનું પૂજન કરો અને મેળવો અનેરો લાભ

આ દિવસે તમે ગાયનું પૂજન કરશો, ગાયને ઘાસ ખવડાવશો, જરૂરિયાતમંદોને અન્નદાન, વસ્ત્રદાન કરશો તો તમારા બધા જ કષ્ટ દૂર થશે. આ દિવસે માનસિક શાંતિની પ્રાપ્તિ માટે ‘ઓમ સોમાય નમઃ’નો જાપ કરવો. ધન સમૃદ્ધિ મેળવવા ઈચ્છતા લોકોએ શ્રીસૂક્ત અથવા તો શ્રીમહાલક્ષ્મ્યષ્ટકમ્ સ્તોત્રનું પઠન કરવુ.

આવુ થાય તો ચૂડામણિ યોગ બને છેઃ

શાસ્ત્રમાં એવુ મનાય છે કે સૂર્યગ્રહણ રવિવારે આવે અને સોમવારે ચંદ્રગ્રહણ આવે તો તેને ચૂડામણિ યોગ ગણવામાં આવે છે. આ દિવસે જો તમે દાન-પુણ્ય જપ-તપ, સ્નાન વગેરે કરો તો તમને કરોડગણુ ફળ મળે છે. આ દિવસે ધાર્મિક પ્રવૃત્તિ કરવાથી મોક્ષ મળે છે.

ગ્રહણનો સમયઃ

31 જાન્યુઆરીએ ચંદ્રગ્રહણનો વેધ સવારે 8.18 વાગ્યાથી લાગી જશે. ગ્રહણ શરૂ સાંજે 5.17 વાગ્યાથી શરૂ થશે અને પરાકાષ્ટાએ 6.21 વાગ્યે પહોંચશે. ગ્રહણનો મધ્ય ભાગ 6.59 વાગ્યે શરૂ થશે. ગ્રહણના ઉન્મિલનનો સમય સાંજે 7.38 વાગ્યે છે જ્યારે ગ્રહણ પૂરુ રાત્રે 8.41 વાગ્યે થશે.

આ ગાળામાં શું કરવુ?

ગ્રહણનો પ્રારંભ થાય ત્યારે સ્નાન અને જપ કરવા. ગ્રહણ મધ્યમાં હોય ત્યારે હવન-સાધના કરવી જોઈએ. ઉન્મિલનના સમયે દાન કરવાથી ઉત્તમ પરિણામ મળે છે. ગ્રહણ છૂટે ત્યારે ફરી નહાવુ જોઈએ. ચંદ્રગ્રહણના આઠ કલાક પહેલેથી વેધ લાગી જાય છે આથી અન્ન ગ્રહણ ન કરવું જોઈએ. જો કે રોગી, વૃદ્ધ અને ગર્ભવતી સ્ત્રીઓએ વેધ ન પાળે તો ચાલે.

સોર્સ: આઈ એમ ગુજરાત

Leave a Reply

Mojemoj.com © 2016 Frontier Theme
error: Content is protected !!