Mojemoj.com

Best Gujarati Blog

31 જાન્યુઆરીએ સંપૂર્ણ ચંદ્ર ગ્રહણઃ જાણો તમારી રાશિ પર કેવી પડશે અસર

ચંદ્ર ગ્રહણઃ

31 જાન્યુઆરી 2018નો દિવસ બધી જ રાશિના જાતકો માટે ખાસ રહેવાનો છે. આ દિવસે આ મહિનાની બીજી પૂનમ છે અને ચંદ્રહ્રહણ પણ છે. આ દિવસે ચંદ્રનું સંપૂર્ણ ગ્રહણ જોવા મળશે. દરેક રાશિ માટે આ દિવસ કંઈને કંઈ પરિવર્તન લઈને આવશે. જાણો તમારી રાશિ પર આ ચંદ્રગ્રહણની કેવી અસર પડશે.

મેષઃ

તમે ધ્યેય હાંસલ કરવા તમે ઘણા સમયથી મહેનત કરી રહ્યા છો. તમને હમણા હમણાથી ધારી સફળતા ન મળી હોવાને કારણે તમે હતાશ રહેતા હશો. પરંતુ હવે યોગ્ય સમયે તમને તમારી મહેનતનું ફળ અવશ્ય મળશે. આ ગ્રહણ વખતે તમને પરિસ્થિતિ વકરતી દેખાય તો હિંમત ન હારશો, પરિસ્થિતિ થોડા સમયમાં તમારી તરફેણમાં જ આવી જશે.

વૃષભઃ

તમને એવુ લાગશે કે તમારી શક્તિ ઓછી થઈ ગઈ છે અને તમે કોઈના પર મદાર રાખવા માંગશો. તમને આ ગ્રહણ દરમિયાન સારી-ખરાબ બંને પરિસ્થિતિનો અનુભવ થશે પરંતુ તમારે એ યાદ રાખવુ કે કોઈ વાર કોઈ વ્યક્તિ પર મદાર રાખવામાં કંઈ ખોટુ નથી. બસ, તમે જેના ખભે માથુ નાંખીને રડવાનું પસંદ કરો તે વ્યક્તિ સમજી વિચારીને પસંદ કરશો. તે વ્યક્તિ તમને ટેકો આપી શકે તેટલી મજબૂત હોવી જોઈએ.

મિથુનઃ

તમારુ મન આ ગાળામાં સતત અવઢવમાં રેશે. તમને અંતે શું થવાનું છે તે અંગે કોઈ અંદાજો નહિ આવે. આ ગ્રહણની અસર તમારા દિલ અને દિમાગ બંને પર પડશે. આથી બંનેમાંથી એકનું પણ સાંભળ્યા વિના તમારો અંતરાત્મા જે કહે એ કરવાથી તમે ફાયદામાં રહેશો.

કર્કઃ

કર્ક રાશિના જાતકો વધારે લાગણીશીલ હોય છે. આ ગ્રહણને કારણે તેમની સંવેદનશીલતા દસગણી વધી જાય છે. તેમનામાં લાગણી ભરાયા કરે છે પરંતુ ખાલી કરવાનો મોકો નથી મળતો. આથી ઘણા વખતથી મૂંઝારો અનુભવતા કર્ક રાશિના જાતકો ગ્રહણ પછી પોતાની જાતને હળવી મહેસૂસ કરી શકશે. તેમને અહેસાસ થશે કે તે ખોટું નકારાત્મક વસ્તુ પર ફોકસ કરતા હતા.

સિંહઃ

સિંહ રાશિના જાતકોની આ વર્ષની શરૂઆત ઘણી સારી થઈ હશે પરંતુ ચંદ્રગ્રહણને કારણે તેમને તેમની એનર્જી થોડી ઓછી થઈ ગયાનો અહેસાસ થશે. પરંતુ તમારા માટે સારા સમાચાર એ છે કે ચંદ્રગ્રહણ પછી તરત જ તમે તમારો ગુમાવેલો આત્મવિશ્વાસ પાછો મેળવી શકશો. તમે સંવેદનશીલ છો એ તમારી સૌથી મોટી શક્તિ છે. આ ગુણને કારણે જ તમારા પગ જમીન સાથે જોડાયેલા છે.

કન્યાઃ

કન્યા રાશિના જાતકો અત્યારે ઘણા કામથી ઘેરાયેલા હશે. આથી આ મહિનાના અંત સુધીમાં તમે તણાવ અને થાકનો અનુભવ કરશો. આગળ પડેલા કામના ઢગલા જોઈને તમારો તણાવ વધશે. તમને એવુ લાગશે કે અત્યારે તમે આ પરિસ્થિતિથી ભાગી છૂટવા માંગો છો. પરંતુ આ તમારા પ્રશ્નનો જવાબ નથી. હિંમત ન હારશો. એક સમયે એક ચીજ પર ફોકસ કરો અને તમારી બધી મુશ્કેલીઓનો હલ મળતો જશે.

તુલાઃ

આ મહિનો તમારો જ છે. તમારી લાઈફમાં એક્સાઈટિંગ પરિવર્તન આવી રહ્યા છે. આવા સમયે રૂટિનથી કંઈક હટકે કરવાનું આયોજન કરશો તો ફાયદો થશે. તમને જે મનમાં આવે એ કામ હાથ પર ધરો, તમને તેમાં સફળતા મળશે.

વૃશ્ચિકઃ

વૃશ્ચિક રાશિના લોકોની એનર્જીનો કોઈ જવાબ નથી. તેઓ કોઈપણ પરિસ્થિતિમાં પોતાની જાતને વિસ્તારી શકે છે. જો કે આ મહિનાના અંત ભાગમાં તમે તમારી જાતને વધુ પડતી તાણવાની કોશિશ કરશો. આથી તૂટી ન પડશો. આ ગ્રહણને કારણે તમને તમે તમારી એનર્જી ક્યાં વાપરવા માંગો છો તેનો ખ્યાલ આવશે.

ધનઃ

શું તમને એવુ લાગી રહ્યું છે કે તમારી પ્રગતિ અટકી પડી છે? તમે છેલ્લા ઘણા સમયથી મહેનત કરી રહ્યા છો પરંતુ તમને કોઈ યોગ્ય પરિણામ નથી જોવા મળી રહ્યું. ગ્રહણને કારણે તમને ચીજો વધુ સ્પષ્ટ દેખાવા માંડશે. તમે જે કામ છેલ્લા ઘણા સમયથી શરૂ કર્યુ હશે તે તમે પૂર્ણ કરી શકશો. જે ચીજમાં એનર્જી બગડતી જણાય તે પડતી મૂકતા શીખો.

મકરઃ

આ વર્ષ તમારા માટે ખૂબ જ શુભ પુરવાર થવાનું છે. આ વર્ષે તમને એ મળશે જે તમે હંમેશાથી ઈચ્છતા હતા. આ ગ્રહણને કારણે તમને તમારી ઈચ્છા આકાંક્ષાઓ પર પ્રશ્નો ઊઠશે પરંતુ એ બધી દુવિધાઓને પાછળ મૂકી આગળ વધા રહો. તમારા દિમાગમાં નકારાત્મક વિચાર આવે તો તેને માથુ ઝટકીને કાઢી નાંખજો. આમ કરવાથી તમે આ વર્ષે તમારા ધ્યેય પ્રાપ્ત કરી શકશો.

કુંભઃ

તમે છેલ્લા થોડા સમયથી રસ્તો ભટકી ગયા હતા પરંતુ ગ્રહણને કારણે તમે તમારી મંઝિલ તરફ આગળ વધી શકશો. તમારા અંગત જીવનમાં એવા કેટલાક પ્રશ્નો હશે જેનો ઉકેલ તમારે લાવવો પડશે. તેનો છેડો ન મળે તો પ્રશ્ન પહેલેથી સૂલઝાવવાની કોશિશ કરો, તમે અવશ્ય સફળ થશો.

મીનઃ

આ વર્ષે તમે કારકિર્દી, સંબંધો અને મોટા નિર્ણયો લેવા જેવી બાબતોમાં જોખમ લઈ શકો છો. તમે અત્યાર સુધી ખૂબ જ હકારાત્મક અનુભવતા હતા પરંતુ આ મહિનાના અંત ભાગમાં ગ્રહણને કારણે તમારા પર ભારણ વધી ગયુ હોવાનું લાગી શકે છે. પરંતુ તમારી જાતને આશ્વાસન આપો કે તમે આ હેન્ડલ કરી શકો છો અને તમે મજબૂત છો. બસ આટલુ કરવાથી ચંદ્રગ્રહણની નકારાત્મક અસરોથી તમને રાહત મળશે.

સોર્સ: આઈ એમ ગુજરાત

Leave a Reply

Mojemoj.com © 2016 Frontier Theme
error: Content is protected !!