Mojemoj.com

Best Gujarati Blog

આ રીતે ઘરે બનાવો એકદમ સોફ્ટ અને સ્વાદિષ્ટ દહીં વડા 👌

હંમેશા સોફ્ટ નથી બનતા દહીં વડા?

તમે ઘરે જ દહીં વડા બનાવો છો પરંતુ દર વખતે દહીં વડા સોફ્ટ અને ટેસ્ટી નથી બનતા. આવા સમયે જો તમે આટલી ટિપ્સ ફૉલો કરશો તો તમારા દહીં વડા એટલા સોફ્ટ અને સ્વાદિષ્ટ બનશે કે બધા આંગળા ચાટતા રહી જશે.

ખીરામાં ઉમેરો થોડુ દહીંઃ

દહીં વડાનું જે ખીરુ બનાવો તેમાં થોડું દહીં મિક્સ કરી દો. આમ કરવાથી વડા એકદમ સોફ્ટ બનશે અને તે તેલ પણ ઓછુ શોષશે.

ખીરામાં બાફેલા બટેટા ઉમેરોઃ

દહીં વડાના ખીરામાં તમે જો 1-2 બાફેલા બટેટાને મસળીને નાંખશો તો તે ખુબ જ મુલાયમ અને સ્વાદિષ્ટ બનશે.

આ રીતે બનાવો ટેસ્ટીઃ

દહીં વડાની દાળ પલાળતી વખતે તેમાં અડદ અને મગની દાળ યોગ્ય માત્રામાં ઉમેરો. આમ કરવાથી વડા ખૂબ જ ટેસ્ટી બનશે.

ક્રિસ્પી બનાવવા શું કરશો?

તમારે દહીં વડાને થોડા ક્રિસ્પી બનાવવા હોય તો ખીરામાં એક ચમચી દહી અને એક ચપટી બેકિંગ પાવડર નાંખી શકો.

ગોળ અને સફેદ વડા માટેઃ

મગ અને અડદની દાળ પલાળીને દહીં વડા બનાવવા માંગતા હોવ તો તેમાં એક મોટી ચમચી મેંદો ઉમેરી તેને બરાબર હલાવી લો. આ રીતે વડા બનાવવાથી તે ગોળ અને સફેદ બનશે.

સોફ્ટ રાખવા માટેઃ

દહીં વડાને સોફ્ટ રાખવા માટે તેને ભીના કપડામાં રાખવાને દલે પોલિથિન પર ઘી કે તેલ લગાવી તેમાં વીંટાળીને રાખશો તો તેની સોફ્ટનેસ યથાવત્ રહેશે

દહીંમાં ઉમેરો સાકરઃ

દહીં વડાનું જે દહીં બનાવો તેમાં થોડી સાકર ઉમેરી ચર્ન કરી લો. આમ કરવાથી દહીંનો સ્વાદ અનેકગણો વધી જશે.

સોર્સ: આઈ એમ ગુજરાત

Leave a Reply

Mojemoj.com © 2016 Frontier Theme
error: Content is protected !!